2782/2022-202
Siaha; the 24th Novber,2022: Vawiin chawhma dar 10:00Am khan Council Vaih Multipurpose Hall-ah Dr.K.Beichhua, Minister for SWD,AH &Vety, Excise & Narcotics etc chuan khuallian niin,Mara Thyutlia Py(Mara Thalai Pawl),Gen.Hqrs Special Assembly a hmanpui. Dr.K.Beichhua hian azawnin term nga(5) President niin MTP(Gen.Hqrs) hi a lo kaihruai tawh a ni.MTP(Gen.Hqrs) hi kum 68 a upa a ni mek a, he kum 68 chhung hian Dr. K.Beichhua chauh hi General Conference/Special Assembly a Chief Guest vawi 3 ni thei awm chhun a ni bawk.

Vawiin Special Assembly-ah hian thu sawiin, Dr.K Beichhua chuan MTP(Gen.Hqrs) Constitution leh Motto te kan en chuan mi harsa leh chanhai zawkte tanpui bakah kan ram, kan hnam ,kan tawng, Kan hnam ziarang leh incheina, kan Sakhua etc. te tih hmasawn, chawinun leh humhalhna te chu kan thiltum a ni. Chuvangin MTP member chuan Zirna hi kan ngai pawimawh em em tur a ni. Ruithei thilah kan fihlim bawk tur a ni. Ruihlo in kan ram nasa takin a run meka, tha thla lova kan do reng a ngai a, hemi kawngah hian Sawrkar pawh kan tawiawm tlata, tha kan tichak ngai, tiin Special Assembly chhimtu te duhsakna hlanin, Naktuk hruaitu thlanna-ah pawh rilru fim taka hmanga, ka ram tana tha tur Mi tha thlangchhuak thiam turin a chah hlawm a ni.

Special Assembly hi ni 3(23-25/11/2022) awh tur a ni a.Naktukah Kum 2022-2025 a MTP(H) hruaitu tur thlanna Election neih a ni ang.

Vawiin 1st Session hi Pu PP.Zalena, President,MTP(H) in kaihruaiin, Revd.NC.Vabeilua, Sr.Advisor, MTP Gen.Hqrs in hunserh a hmang a.Pu V.Samson,Adviser,MTP Gen.Hqrs in kumin chhunga MTP member boral ta te sunna hun a hmang.

Kumin Special Assembly  hian Chipho,Reih pabohsa(Hnam, Tawng Humhalh) tih thupuiah a hmang.