1271/2023-2024

Mamit 26th July, 2023 : Er. Lalrinawma, SW&TA, AH & Vety, E&N, Sericulture Minister chuan vawiin hian Boar Semen Station, Lengpui ram Lawngzawl tlawhin hmalakna leh hnathawh hrang hrang a hmunah kalin a enfiah.

Minister Er. Lalrinawma chuan ruahmanna tha leh liantham awm thin mahse hmasawnna leh rahbi thar hmu tur chuan thawktute leh tualchhung mite nen thawhhona tha nei a, neitu rilru pu chunga hna kan thawh a, kan enkawl zui zel hi kan mawhphurna-ah ngai theuh turin a sawm a, Vawkpa chi tha lak leh siamchhuahna hmun tur kan ramah hetiang hmasawnna ruhrel awma, kan nei thei tur chu lawmawm a ti hle a, hmasawnna hian intodelhna a thlen ngei a beisei thu a sawi bawk a ni.

Nucleus Boar Semen Station hi National Livestoke Mission (NLM) hnuaia sak niin Component of Scheme hi Boar Pen, Semen Collecting Cum Laboratory, Site Office, Manager Quarters, Farrowing Pen, Treasure Pen, Changing room, Feed go-down leh etc.. siam leh ruahman a ni.

He hunah hian Minister hi Dr. Lalrinpuii Sailo Director, A.H & Vety Deptt, Dr.C Zarzokima Jt. Director, A.H & Vety Deptt, Dr. Lalthansanga Khiangte Asst. Director, A.H & Vety Deptt, Cyril Hmingthanzauva JE, A.H & Vety Deptt, Lengpui VCP bakah VC Member te'n an tawiawm a ni.