1500/2023-2024

Lunglei; the 15th August,2023: Nizan dar 7:00Pm khan Lunglei District Snooker and Billiards Association (LDSBA) Pool room,Saikuti Hall-ah kumin Independence Day lawmna puala LDSBA te buatsaih Pool 8Ball & Snooker Tournament closing Function-ah Pu C.Lalrinsanga,Hon'ble Minister for Agriculture, I&WR etc..chuan khuallian niin lawmman a sem.

He hunah hian thu sawiin, Pu Sangte chuan Pool leh Snooker te hi TV atanga an khel ka hmu hi a ni mai a, mi neinung deuh te khelh turah deuh ka lo ngai mai thin.

Mizoramah chuan mi tam zawkin kan hmelhriat loh Infiamna a ni. Chutiang a nih mek lai chuan LDSBA ten Lunglei khawpuiah in lo tilar tawh hle a lo ni a. Player tha tak National level thlenga khel pha te pawh LDSBA ten in nei tih te ka lo hria a, ka lawm hle a ni, a ti.Pu Sangte chuan
Pool leh Snooker hi mi neinung fa te chauh khelh theih a ni lova, a duh a piang LDSBA Pool roomah hian LDSBA dan leh dun zam te zawmin a khelh theih reng a lo ni a, thalai a tui mi ten inkhelh tawh vek vek chuan khel mai mai suh u. State level chauh ni lo, National level thleng thei tur khawpin khel u la, Leitlangpui ti hmingthatu nih tum theuh ang che u, tiin player kalkhawm te a fuih hlawm a ni.

Kumin Independence Day pual snooker & Pool 8Ball tournament a Lawmman dawngtu te chu:-

SNOOKER-ah
Champion--T.Laltlansanga.
1st Runner up--Zothanpuia.

Semi Finalist--R.Lalmuanpuia & R. Lalmalsawma

8 BALL-ah
Champion --T.Laltlansanga
1st Runner Up--R.Lalmuanpuia
Semi Finalist: R.Laltanpuia & Vanlalengmawia te an ni.

Champion te hian Trophy+ Certificate + Rs.3000/- an dawng a.

1st Runner Up ten Trophy+ Certificate + Rs.1500/- an dawng thung.

Semi Finalist ten Rs.500 theuh an dawng.

LDSBA hruaitute chuan Tournament  huaihawt nana sum ngaihtuah saktu  Minister hnenah lawmthu an sawi hlawm a ni.