Ni 28.11.2019  zan  khan Kiasie khua-ah Minister of State for Social Welfare, Excise & Narcotics etc. Dr.K.Beichhua chuan  Khuallian niin,Mara Thyutlia Py(MTP) General Conference vawi-31 na a hmanpui.

Khuallian Dr.K. Beichhua chuan MTP(H) hian a Motto:Bawrhsawm zawk te  tanpuina leh chhawmdawlna kawngah zaikhatin, tih hi a vawn nun tlat chuan MTP hi  a kalsual ngai lovang. Chutiang bawkin kan Emblem a Mupui chak tak thlawk lai ang hian kan khawtlang nun tichhe mektu  sualna chi hrang hrang leh zu leh drugs  kan dona kawngah tha thla lova, chak taka hmalam pana kal tur kan ni tih hi i hre thar leh ang u, a ti.  

Khuallian chuan kei ngei pawh member te leh thawhpuite duhsakna changin term 5 lai MTP(H) President ka lo ni tawh a, chutah ka thil hriatchhuah chu  hruaitute hi mi famkim loh leh chak lo tak te kan ni. Mahse Sub-Hqrs leh Branch hruaitute  leh member ten min tawiawmna leh chhawmdawlna hian  chakna min pe thin a ni. Chuvangin zanin kan hruaitu   thlan thar te hi Pathianin tun term(2019-2022) atan min pek te an ni, tih hi chiang i la, nghet takin i tawiawm tlat ang u.Chutiang bawkin hruaitu thlan thar te pawhin MTP(H) hruaitu nihna hian Channa te, mi huat leh hmaisa tawnna te leh harsatna tam tak a keng tel a. Pathian ring chunga, rinawm tak leh huaisen taka ram leh khawtlang tan hna thawktu tur in nih tihah hian in chian hle a ngai.   In ho te entawk tlak leh entawn tura in nun pawh in vawn uluk  hle a ngai a ni, a ti bawk.

Ni 5 (26-29th Nov,2019) awh MTP General Conference-ah hian kum (2019-2022) chhunga Hruaitu tur thlanna leh Miss thlanna buatsaih nghal a ni.

Election Result:

1. PRESIDENT:-

Pu PP. Zalena

2. SENIOR VICE PRESIDENT:-

Pu Martin L. Nôhro

3. VICE PRESIDENT:-

Pu S. Vabeihasa

4. GENERAL SECRETARY:-

Pu Pakhaw Chozah

5. ASST. GENERAL SECRETARY:-

Pu C. Mochônô

6. TREASURER:-

  Miss Golden Mary Solo

7. SECY. i/c FINANCE:-

Pu Pahmô Hlychho

8. SECY. i/c INFO. & PUBLICITY:-

Pu Beirokhu Beita

9. SECY. i/c ART & CULTURE:-

Pu J. Ngôchyu

10. SECY. i/c SOCIAL WELFARE:-

Pu Sahlo Bohia

11. SECY. i/c GAMES & SPORTS:-

Pu Reuben Hlychho te an ni a.

Mara Miss result

Miss -

Ephesi Hlychho, Siahatla

1st Runner up - 

Teresa Syuhlô, College Vaih

2nd Runner up - 

N.Beipingia, New Colony

MTP(H) General Conference  vawi-31na hi Hon'ble MoS Dr.K.Beichhua leh K.Rokhaw MLA ten Khuallian leh khualzahawm niin an chhim a. Pu Bhupesh Chaudhary IAS, Siaha district pawhin Special invitee niin a chhim bawk.