Mizoram Sawrkara Horticulture Department hnuaiah Horticulture Extension Officer (Grade V of MHS) hna panga (5) a ruak a. Dilna form hi Mizoram Public Service Commission (MPSC) office, New Secretariat Complex, Aizawl leh District hrang hranga Deputy Commissioner Office-ah te ni 18.8.2017 thlengin office kai ni zing dar 10 atanga tlai dar 3 chhungin lak chhuah leh thehluh theih a ni.
Advertisement leh syllabus-te hi MPSC website www.mpsc.mizoram.gov.in ah en theih a ni.
Dil theite chu :
1) Recognized university atanga graduate
2) Mizo tawng Middle School level thleng thiam
3) Computer certificate - Course on Computer Concepts (CCC) of NIELIT/ Diploma in Computer Application/ Mizoram State Council of Technical Education in computer zirnaa a pawm Institution atanga Computer Application certificate/ Mizoram Sawrkarin a pawm course atanga certificate nei a ni tur a ni.
4) Ni 18.8.2017 ah kum 18 aia naupang lo tur leh kum 35 aia upa lo a ni tur a ni. Upper Age limit ah hian ST/SC candidate te tan kum 5 thleng ngaihhnathiam leh theih a ni.
Dilna Fee Application Form man telin Rs 320/-( or Rs 270/- SC/ST te tan) pawisa faia pein emaw, Secretary MPSC hminga IPO( uncrossed) siamin emaw, Treasury Challan hmanga Revenue Head – 0051-PSC, 102-State PSC (Examination Fee. etc) deposit-in emaw dil tur a ni.
Dilna Form-ah pawisa pekna receipt/IPO/ Treasury challan te thil tel tur a ni a. Sawrkar hnathawkte chuan proper channel-in dil tur a ni a. Hna diltute zingah dan kalha tlin tuma mahni emaw, midang emaw hmanga hma la an awm chuan an dilna hnawlsak an ni ang.
Dilna Form thehluh rualin a hnuai tarlan te hi thil tel tur a ni .
1. Pawisa pekna receipt/IPO/Treasury challan
2. Certificate leh Marksheet HSLC chin chung lam (attested photo copy)
3. Tribal/Caste Certificate (SC/ST te tan) (attested photo copy)
Dilna famkim lo chu hnawl a ni bawk ang.
