Vawiin chawhma dar 11 khan District Horticulture Office Training Hall, Serchhip ah NLUP 3^rd leh 4^th Phase tanpuina chu Horticulture Department chuan an sem chhuak a, Dr. Lalrozama, IAS, Deputy Commissioner leh Chairman, District Level NLUP Commitee ni bawk chuan khuallian niin a hmanpui. 

Khuallian chuan, NLUP dawngtu leh sem anih dan chungchang chu vawi tam tak sawi a ni tawh a, a dawngtute pawhinkanmawhphurhna lehkantih turtekanhre chiang viau tawh turah ngaih a ni. Sawrkar atang tanpuinakanhmuh hi a thlawnakandawn a ni lova,kanbank account-a pawisa a lo luh avanginkanduh danakanhman ral mai a thiang lo a ni, a ti. Sawrkarin a hmanna tur an ruahmanna taka hmanga, theih tawp chhuaha tan la tura chahin, harsatna an nei anih chuan thuneitute hnen pan vat nachang hre thinturina chah a ni. Sawrkar leh mipuite thawhhona a that chuan rah duhawm tak a chhuah ngei a rin thu a sawiin, dik lo leh fel lo lai inhai lan sak ringawt tum lova, infinchhuah leh indawm kang tawn turkanni, a ti. Thu a sawi zawh hian tanpuina hi a dawngtute hnehah a hlan a ni. 

He hun hi Pi Zosiamliani, District Horticulture Officer, Serchhip chuan a kaihruai a, NLUP 3^rd & 4^th Phase-a tanpuina sem a nih dan sawiin, 3^rd Phase bikah hian Trade hrang hrang 6 ah beneficiary 629 awmin, 4^th Phase ah Trade hrang hrang 6 ah beneficiary 341 an awm a. Vawiina tanpuina an pek chhuah te chu, M.Orange trade ah mi 91, Pineapple ah mi 34, Passion Fruit ah mi 13 leh Thingpui (Tea) ah mi 1 niin, sum faia an pek chhuah hi Rs. 8,95,000/- a ni a, Leitha bag 1510 an sem tel bawk. Bank awmna khua a mite chu an bank account-ah thun sak vek tur niin, bank awm lohna khua a mite chu a sum faia pek chhuah an ni ang. 

NLUP semna hun bik hi Pu R. Lalmuanpuia, Horticulture Extension Officer chuan lawmthu sawiiin a kharna hun a hmang a. Chawhnu lamah tanpuina dawngtute hnenah huan thlai enkawl dan tur zirtirna hun hman chhunzawm nghal a ni. He zir honaah hian M.Orange leh Pineapple chungchangah Pi PC Lalnghahsangi, Horticulture Extension Officer chuan zirtirna pe in; Passion fruit chungchangah Pu R. Lalmuanpuia, Horticulture Extension Officer chuan zirtirna a pe thung.