Vawiin khan Serkhan, Nisapui leh Kawnpui a Horticulture hmalakna tlawh a huan siamtu te harsatna tawh sawipui turin Pu Samuel Rosanglura, Horticulture Director chuan Serkhan a Aieng chinna hmun leh Kawnpui Darnam zau a Sawhthing chinna hmun te, Kawnpui Tuitam zau a Zo-Isarel Serthlum chinna hmun te a tlawh.

Pu Samuel Rosanglura chuan Mizoram Sawrkarin Ei leh Bara intodelhna tur kawng hrang hrang a ruahmante chu mipui ten keimahni tan leh kan ram tan a ni tih hriain, hlawhtlinpui ngei turin i thawk ang u tiin kut hnathawktute a fuih a ni. Serkhan, Nisapui leh Kawnpui a Department hmalakna te chu a lungawi thlak viau a, tun aiin ala tha thei a; duhthu ala sam lehzual thei a ni, a ti bawk.

Director hi Deputy Director Pu Vanlalruata Chenkual leh District Horticulture Officer Pi Zosiamliani ten an tawiawm a, an kalna hmunah hian Zau hruaitu theuh ten an lo dawngsawng a ni.