NLUP, Horticulture Deptt. hnuaia trade thlangtuten an thil chin tur planting material tha an neih theih nana thlai kuitiah-na hmun, Nursery hrang engemaw zat,  Kolasib District chhunga mi chu a endik tura sawrkar-in a ruat Team ten vawiin khan an endik a. Heng an endikte hi Nursery siamtute hian an ti tha thawkhat hlein an hria a.  NLUP beneficiary ten an mamawh zat thlai tiak an dawn ngei theih nana hma la tha tur leh an thlai tiak neih zat sawrkara an report chu vawiina an endikna nen inmil thlapa tih a nih dawn thu endiktu team te hian an sawi.

Vawiina   an tlawh te hi LL Nursery, Kawnpui, a neitu Rev. Liandawla, Horticulture Centre Thingdawl, TZ Nursery, Kolasib, a neitu P. Malsawma te, RL. Darkhum Green Nursery Chemphai, a neitu Remthangi Bilkhawthlir te an ni a. Heng Nursery ahte hian Serthlum leh Kuhva phun tur chin leh kui an ni a, hengte hi endiktu team te chuan uluk takin an endik a ni.

Endiktu member te hi Dr E. Saipari, Jt. Director, Horti, Pi Zosiamliani, DHO, Kolasib, Pu R. Lalduhawma, Kolasib, Rev Lalzawnga, Venghlui, Aizawl, Pu DR. Zirliana, Zarkawt Aizawl leh Pu Robert Lalchhuana Aizawl te an ni a. Anni ho hian naktuk hian Aizawl District chhunga Nursery te an endik leh dawn a ni.

Mizoram puma Nursery te  endik turin Sawrkar chuan  Team li a ruat a ni.