Vawiin chawhma dar 11 : 30 AM khan Pu PC Lalthanliana, Hon’ble Minister, Horticulture etc leh Pu K.Lalrinthanga, Parliamentary Secretary, Horticulture etc te chuan Mizorama Strawberry chinna hmunpui Niawhtlang an tlawh.

An mahni lo hmuahna inkhawm hi Pu N.Lalsiama, Niawhtlang-III (10KM) Strawberry huan ah neih ani a, he huanah hian Pu CH Lalmuanpuia, DHO Siaha chuan programme kaihruaiin Upa C.Ramchunga, Niawhtlang-III chuan hunserh a hmang a, Chairman in kalkhawmte chawnglawmna thu a sawi hnu ah Khuallian Pu PC Lalthanliana, Hon’ble Minister i/c Horticulture etc chuan thu sawiin Niawhtlang-III chu Mizoram a Strawberry ching nasa ber khua an nih thu leh an harsatna te a hmun ngei a ngaithla tura lokal an nih thu a sawi a, Pu Lalthanhawla kaihhruai sawrkar thiltum ber chu miretheite khaichhuah a leirem rahtir a ni tiin, tun aia nasa zawk a kuthnathawktu te tanpui a tum ani tiin ti tak tak a thawktute chu sawrkar chuan a ensan ngai dawn lova a tanpui zel dawn a ni a ti bawk.

Pu K.Lalrinthanga, Parliamentary Secretary ,Horticulture etc pawh in thu sawiin Horticulture Department hi Department naupangte mah nise hetiang hmuna Strawberry hlawhtling taka chin theih ani tih a hmuchhuak hi a lawmawm a ni a ti a. Thlai te hian chinna tur hmun an nei vek a tiin thil chin theih nazawng hi eizawnna tling a ni lo a, a hmun tur thlan thiam a pawimawh a ni a ti bawk. He lai hmuna eizawnna tling ber chu Strawberry chin hi ani ati a, Strawberry in tharchhuah te chu hralh tlak a in sawngbawl a pawimawh a ni a ti a, a quality a that phawt chuan a hralh anuamin a man pawh a to dawn a ni a ti bawk.

He Strawberry Chinna Niawhtlang-III (KM 10) a huan neitu mi 18 ten 2014-2015 chhunga Strawberry rah an hralhna a tanga sum an lakluh zat chu Rs 22,30,000.00 a tling a,Runnners (a tiak) atanga sum an lakluh tlingkhawm chu cheng nuai 16.80 a ni a, Juice/Wine atanga sum an lakluh tlingkhawm chu cheng nuai 6.44 ani a, kumin 2016 a an sum hmuh zat chu cheng nuai 5.047 ani a, tun thlenga an sum hmuh zawng zawng chu cheng nuai 50.587 ani bawk. Horticulture Department chuan Niawhtlang-III (KM 10) ah hian kum 2014-2015 ah Strawberry atan bik hetiang hian tanpuina a pe ani- 1. Community Water Tank-1 2. Individual Water Tank- 15 3. Geomembrane-27 4. Drip Irrigation-11 5. Green House-12 te a ni.

Pu N.Lalsiama, Chairman Strawberry Grower Association, Niawhtlang-III chuan Technical Report pe in Niawhtlangah Strawberry chingtu chhungkua 27 awm in an tharchhuahte hralh thin mi 23 an awm thu leh heng an Strawberry chin te hi sawrkar hmalakna in Drip Irrigation hmanga enkawl tum mek anih thu a sawi. Pu C.Ramrela, CHO Saiha chuan lawmthusawina neiin he propgramme hi tihtawp ani. He Strawberry chinna hmun tlawhtu Minister te hi Pu S.Hiato, Ex-Minister, Pu Chhuabei, EM, MADC, Pu Hrahmo, EM, MADC, Siaha District a Head of Department hrang hrang te leh Chanchinthar thehdarhtuten an tawiawm a ni.