Vawiin khan Ramhlun ‘N’ Bazar  1st  Floor ah  Horticulture Minister Pu P.C. Lalthanliana’n  Anthurium Storage/ Cold Storage  a hawng. Horticulture Department under RKVY 2016 - 2017  bultuma  vawiin programme  ah hian  Horticulture  leh Commerce & Industries a officer leh thawktute bakah  Anthurium leh Florists’ Association hruaitute an tel tha hle.

Zoram pawn leh chhungah a mamawhte tan a  Anthurium hralh chhhuah tur dah khawmna Cold  Storage  tha tak neih a ni ta chu  Zoram tan mellung pawimawh tak a nih thu leh report a a lan danah pawh hralh a kal hle tih a hriat a ni chu lawmthu sawiin Khuallian Pu P.C. Lalthanliana chuan  Anthurium leh  Horticulture Department avang hian khawvelin Zoram hi a la rawn hre  lar ngei ang a. Tun atanga reilo te ah  Zofate kutkawih  hlawhtlinna  pangpar leh thlai atangin  Zofate’n an la chhawr  ngei ang a ti.

Vawiin  Programme  Pi Elizabeth Saipari, Director, Horticulture Department  kaihhruai  ah  hian report hrang hrang ZAGs (Zo Anthurium Grawers’ Co-operative)  leh Horticulture Department atang te in   ngaihthlak a ni.

Zoram pawna Anthurium thawnchhuah  te hi  khem leh hmelhemna  nei miah lo, rawng chi hrang hrang  te thlan an ni thin a. ZAGs ah hian member  100 chuang awm tawh in Aizawl bakah District dangah te pawh member an awm a ni.