Hospital fai inelna 'Kayakalp' hnuaia Kolasib District Hospital hmalakna leh inbuatsaih dan chu vawiin khan Pu H.Lalengmawia, District Bawrhsap hovin khawtlang hruaitute leh official ten an endik.

District Bawrhsap chuan kum hmasa-ah Kolasib District Hospital-in hmanrua a neih kim loh avanga pakhatna dinhmun a luah pha ta lo chu pawi a tih thu sawiin, kumin ah chuan a titha ber ni thei turin tan lak angai ani a ti a. Khawtlang mipui te leh official te thawhhona tha avangin pakhatna dinhmun luah phak ngei a beisei thu a sawi.

Hospital fai inbuatsaihna kal mekah hian Tlawmngai pawl, school naupang, mimal etc. ten hospital leh a vel tifaiin hnatlang an nei thin a. Vawiin enhonaah hian hospital hmunhma vawn fai dan bakah, bawlhhlawh sawngbawl dan te, inthiarna vawn fai dan te, endikna tehfung tur khawl dinhmun te en a ni.

Hospital bakah kumin kayakalp ah hian Mizoram puma Community Health Centre (CHC) inelna a awm tur thu tarlan niin, hemi atana Vairengte CHC chu pakhatna dinhmun lak ngei tuma hmalak a ni a. Hmalak mekna endikin District Bawrhsap hovin tlawmngai pawl leh official te an kal leh dawn a ni.