Tuking zing khan Lunglei DC Pu V. Sapchhunga, IAS, chuan HPC Vice chairman Pu Joseph Lalhimpuia hmalakna a, Lunglei a Building hrang hrang sak mek te chu a hmun ah Lunglei Bawrhsap leh Chief Planning Officer leh UD&PA te chuan an fan kual a, heng Building te hi PHE building sak mek, PHE Quarter sak mek, Agriculture Rest House, T.B Centre sak mek leh Multy Utility Three Gate a an sak mek te chu a hmun ah an fang kual a, hemi bak ah hian HPC Office thar tur Lunglei Chanmari ami pawh a en nghal bawk a ni.

Lunglei Bawrhsap chuan hetianga Lunglei hmangaihtu HPC Vice Chairman Pu Joseph Lalhimpuia kan nei hi a lawmawm a, a hmalakna te hi a chhuanawm takzet a ni a ti. Lunglei Bawrhsap chuan sawrkar hian Lunglei min ensan lohzia a hriat a, tun ah pawh Lunglei khawpui ah hetiang a Building engemaw zat sak mek a ni hi an hmalakna leh zel na tur ah pawh mipui te pawh in  tawi awm that a tulzia hria a, an theihna chin chin ah tawiawm zel turin mipui te pawh a chah nghal bawk ani.

Lunglei Bawrhsap hi Lunglei a Officer thahnem takin an tawiawm bawk a ni.