No.86/2021-2022

Lunglei the 10th,April’2021: Nimin tlai khan Dawn - Baichi Welfare Committee te buatsaihin Zawlnei Darphawka thlan awmna Dawn-Baichi kawng 5.5 Kms (Zobawk leh Dawn inkara awm) chu Pu Lawmawma Tochhawng, bialtu MLA leh Vice Chairman, High Powered Committee, Lunglei ni bawk chuan khuallian niin a hawng.

Baichi hmuna inkhawm tawi neih ah Pu V. Kapchungnunga, Co – Chairman, Dawn - Baichi Welfare Committee in kaihruaiin Pu Lawmawma Tochhawng chuan Dawn - Baichi Welfare Committee leh Zawlnei Darphawka tu leh fate thahnemngaihna avangin motor kawng hawn theih a awm hi lawmawm ati a. Hnam ropui, hnam upa te chuan anmahni hnena thil tha lo thlen tute  an theihnghilh ngailo a, chu chuan an hnam nghehna a hrilchhuak ani ati. Hnam fing apiangin mi hmasa, an thlahtu an rama  phuma awm thin te an ngaisang a, an ruhro tepawh an zah thin ani.  Kristianna sawi apianga bang thei lo Zawlnei Darphawka lu nghahna hmun Lunglei East biala awm hi vanneihthlak ati a. Hun lo la kal zel turah helai hmun hi Lunglei District, Mizoram pum tan engemaw  kawngah rah tha tak a chhuah a ring ani. Mizoram ah kristianna lo luh tur thu sawitu Zawlnei Darphawk lu nghahna hmun atang hian zirna kawnga hmahruaitu Pu Hrawva BA hmasaber, Engineer, Doctor, Officer lian tak tak an lo chhuah tawh thu a sawi a, hemi anih avang hian helai hmun hi Lunglei ah chuan Historical place zinga pawimawhtak  ani lo thei lo ani ati. A ram leilung mawina leh a hmun te ti chereu lovin engtik ni ah emaw chuan helai  hmun mawi tak mi ten a an tlawh thin pawh a Zawlnei Darphawk anlo  zalh tawhna  ani tih an  lo hriatna ni pah fawmin leh thlarau lam pawh a harhna inpekna hmun anih ngei a beisei ani. A hmun hi  Botanical Garden tha tak mi in a an tlawh chakna hmun a siam theih anih thu a sawi bawk ani. Forest Department,  Zobawk leh Dawn VC ten helai hmuna thing leh mau a chereu loh nan  humhalhna kawngah hma lo la turin a chah bawk ani . 

Dawn - Baichi hmun ah hian motor thlen tir an duh avangin Zawlnei Darphawka tu leh faten pawisa an thawhkhawm bakah bialtu MLA in cheng nuai khat a thawh a kawng laih anih thu tarlan a ni. 

Attachment

  • Loading attachment...