No.85/2021-2022
Dated Serchhip, the 10th April, 2021: Pu Kumar Abhishek, IAS, District Magistrate chuan African Swine Fever laka Serchhip District an him theih nan a hnuai ami ang hian thupek a chhuah.
1. Mi tumahin ram dang (foreign countries) leh State thenawm ațangin vawk, vawksa leh vawksa atanga thil siam reng reng an la lut tur a ni lo.
2. Mizoram chhung District dang ațanga vawk lakluh leh thawn chhuah khap tlat a ni.
3. Serchhip District chhunga khawdang ațanga vawk la lut turten district chhung vawk a ni ngei a ni tihchhianna lehkha anmahni bialtu Veterinary Field Assistant (VFA), V.C leh YMA hnen ațangin Veterinary Health Certificate an nei ngei tur a ni.
4. Vawk talhtuten vawk hrisel tha chauh an talh thin tur a ni.
5. Damlohna engemaw vanga vawk thite chu ser loh tur a ni.
6. Vawk neituten vawk damlo an hralh tur a ni lo.
He thupek hian District Magistrate, Serchhip District Order hmasa No.J.12017/2/2020-DC(SRCP)/448 dt. 12.2.2021 chu a thlak (superceded) ang a, thu leh awm hma chu Order chhuah a nih atanga thla 2 (two months) chhung a huam ang.
He thupek zawm lo chu Section 188 IPC dan hmangin hrem theih an ni ang.
He thupek hian Sorkar atanga phalna neite a huam lovang.
