2297/2022-2023

Lunglei the 12th October 2022 : Vawiin chawhnu khan Pu Lawmawma Tochhawng, Vice Chairman , High Powered Committee Lunglei chuan a office chamber ah tun hnaia zirna leh infiamna a Lunglei ti hmingtha tu mi paruk te hnenah  lawmpuina a hlan.

Pu Lawmawma Tochhawng  chuan Lunglei chu hun rei tak kaltaa zirna lama kan hming thatna chu zawi te te in kan nei chho leh tan ta a ni tiin chawimawina dawngtute hlawhtlinna lawmawm a tih thu a sawi. Nu leh pa te pawhin  kan fate zirna lamah fuih sauh sauh zel ang u tiin tumruhna leh chhelna a pawimawh zia chintawk awm lova kan in fah a ngai a ni a ti. Lunglei thalai te hian Lunglei nuam kan ti lutuk hi kan hmasawnna daltu a ni thei tih sawiin hlawhtling tur chuan vah chhuah leh nuam tihna kan kalsan phal a tul a ni a ti. Hun lo kal turah harsatna a awm anih chuan HPC Lunglei hi kan tan a sorkar in min pek angin kan pur tur a ni a, chumi atan chuan HPC pawh a in hawng reng tih sawiin zirlai hlawhtlin tum tak tak midang tan pawh kan in ring reng a ni a ti .

He hunah hian Pu Lalrotluanga President Sub Hqtrs YMA leh Pu Thanghmingliana Renthlei Vice President, MJA te pawhin fuihna thu an sawi a ni.

Vawiin a lawmpuina hlan te hi tunhnaia MPSC in exam a buatsaiha hlawhtling MCS mi 3 heng :  Doris Lalrinawmi,  Grace Lalremdiki Sailo, Betty Lalrinfeli leh MPS a tling R.Lalthankima te bakah Dr. K.Vanlalzami Super Specialist in Neurology leh Laldinsanga, LPS Pro Fight 2022, flyweight champion & Best Boxer te chawimawina leh lawmpuina neih a ni .

Attachment

  • Loading attachment...