2296/2022-2023

Lunglei the 12th October' 2022: Vawiin khan Mizo Academy of Letters Joint Hqrs, Lunglei buatsaihin Art & Culture Auditorium, Lunglei ah Pu Buanga Award hlanna inkhawm neih a ni. Pu C. Lalrinsanga, Minister, Agriculture, Cooperation leh Irrigation & Water Resources Department changtu chuan khuallian niin a hmanpui.

Pu Buanga Award hlanna inkhawm hi Pu C. Hrangdula, President , MAL, Jt. Hqrs Lunglei chuan kaihruaiin Pu C. Lalrinsanga chuan Pu Buanga Award hlanna ah khuallian tura sawm a nih avangin lawmthu a sawi a, Pu Buanga Award dawngtu Prof. R.L. Thanmawia a lawmpui thu a sawi bawk. Pu Buanga leh Sap Upa te chanchin tha hmangin Mizo in literature tha tak kan nei a, MAL hi Mizo thu leh hla ah a hmalatu leh chawilar tu a ni tiin Mizo hnam ro inphum ru kawltu an ni a ti bawk. Hnam leh ram tana thu leh hla lama rah tha chhuah thintu chu MAL te an ni a, thu leh hla siam that kawngah pawh mawhphurna sang tak an neih thu a sawi a, thu leh hla lama an pawimawhna te phochhuak zel turin a chah a ni. Thuziak hmang a Mizo hnam dinchhuah na tur ngaihtuah a ngaih thu sawiin kan thalaite a tha zawng a kalpui a ngaih thu a sawi bawk. Kan ram leh hnam humhalh nan ziak thil dah a pawimawh thu tarlangin, thuziak tute hi an te lova, an pawimawhna tih lana a sulsutu nizel turin a chah a ni. Pu C. lalrinsanga chuan thuziak tute hian goal neiha thu ziak turin a chah a, kan hnam leh ram economy dinchhuahna tur te ziak tam turin a chah bawk. Khawvel in chhiat lam a pan zel a, kawng hrang hranga siam tha tu ni turin MAL te a chah bawk a ni. Pu Buanga Award dawngtu Prof. R.L. Thanmawia hnenah khuallian hian Trophy, Certificate leh Rs 10000/- a hlan a ni.

Pu V. Rokhawlkima, Secretary, Pu Buanga Award Committee in report pe in kumina Pu Buanga Award dawngtu chu Prof. R.L. Thanmawia a ni a, Pu Buanga Award hi kum 2000 atanga hlan thin a ni a, kum 5 dana hlan thin niin kum 2015 hnu lam atangin kum 3 dana hlan thin a ni. Pu Buanga Award dawng tawhtute chu Pi Lalsangzuali Sailo, B. Lalthangliana, Prof. Laltluangliana Khiangte, Lalthangfala Sailo leh Padma Shri R.K. Lalhluna te an ni.

Pu T.C. Jonunsanga, Secretary, MAL, Jt.Hqrs Lunglei in Pu Buanga Awardee Prof. R.L. Thanmawia chanchin tlangpui tarlangin kum 1954 ah Darlak ah a pianga NEHU atangin MA zir zovin kum 1989 ah Doctorate degree neiin zirna in hrang hrangah Lecturer, Dept. of Mizo, Govt, Aizawl College, Lecturer, Pachhunga University College, Reader, Pachunga University College, Associate Professor, Mizoram University, Professor, MZU, Controller of Examination MZU leh Senior Professor, MZU ah te a thawk tawh a ni. Thu leh hla ah sulhnu a ngah hle a, essay leh article 400 chuang a ziak a, lehkhabu 31 ziakin a kutchhuak chi hrang hrang 29 zet Primary atanga University thlengin zirlai buah sengluh a ni. Kum 2012 ah India ram chawimawina sang Padma Shri Literature leh Education ah hlan a ni.

Pu Buanga Award hlanna ah hian Award dawngtu Prof. R.L. Thanmawia, Pu Thansanga Chongthu, Adviser, MAL  Aizawl leh Pu Thanghmingliana  Renthlei, Vice President, MJA, Lunglei te pawn thu an sawi a ni.