No.7902/2020-2021

Lunglei the 24th, March’2021: Vawiin chawhma khan Mizoram Handloom & Handicraft Development Corporation Ltd.(ZOHANDCO) buatsaihin Venglai Community Hall, Lungleiah Special Handloom Expo Lunglei 2021(24th-26th, March’2021) ni thum chhung awh tur chu Pu Lawmawma Tochhawng, MLA & Vice Chairman High Powered Committee, Lunglei chuan khuallian niin a hawng.

Hawnna inkhawm hi Pu C. Lalrammawia, Chairman, ZOHANDCO-in kaihhruaiin khuallian Pu Lawmawma Tochhawng chuan ZOHANDCO buatsaiha Mizo kut chhuak handloom pho chhuahna hun Lungleia hman a nih hi lawmawm a tih thu sawiin, handloom hi eizawnna tlo leh daihrei si ni thei se a duh a. Handloom hi kan hnamzia pho langtu a ni a kan uara kan hlut a ngai a ni tiin ram leh hnam zia tarlangtu pawimawh tak a nih avangin kan tunlai thiamna hmanga man man zawka hralh thei tura quality leh design tha tak tak siam chhuak theuh turin puantahtute a chah a ni. Mizo Mizona phochhuaktu hi handloom a ni a, midangin an tih theih chu ka ti ve thei a ni tih rilru pu chunga taimakna leh teirei peihna nen hmalam pan a Mizoram sum leh pai dinhmun siam thatu ni theuh turin a duh a sawi bawk.

Special Handloom Expo ah hian Stall 31 awmin Mizoram hmun hrang hrang atangin handloom chi hrang hrang pho chhuah a ni.