1940/2023-2024

LUNGLEI; the 19th September,2023: Vawiin khan Pu Lawmawma Tochhawng 31-Lunglei East bialtu MLA leh Vice Chairman HPC Lunglei ni bawk chuan a office chamber-ah a bial chhung a Zobawk North leh Farm veng a hman tur Table Tennis Board hlanna hun a nei.

Pu Lawma chuan kan theihtawp in kan bial chhung a infiam mite mamawh kan tihsak a, duhkhawp pe thei lo mah ila, Kan theihtawkah Badminton Carpet te Hall hrang hrangah kan phah sak tawh a, Table Tennis hi a khel  kan tam lo deuh ni lang mahse vawiina kan inpe thei hi ka lawm hle a ni. Mizo te hi kan len vak loh avangin Table Tennis khelh hi kan khelh chi tak a ni a.India leh international thleng pawha langpha te pawh kan nei nualin a lang. Chuvangin TT khelh hi mizo ten uar deuh deuh ila; taimakna leh tumruhna nena kan khelh chuan eizawnna tling a ni thei a ni.Vawiin a  dawng te pawh hian in taksa hriselna leh eizawnna tling tham ni thei tura hmang tangkai turin  ka duhpui tak zet zet che u a, chumi tan chuan duhsakna pawh ka hlan  che u a ni, a ti. Vawiin TT board a hlan pah hian Pi Lalhuliani Zobawk North hnenah a mamawh em em Wheelchair a hlan nghal bawk a ni.