1939/2023-2024

Dated Siaha 19th September 2023 : Vawiin khan District Level Special Task Force for Awareness Campaign on Solid Waste Management-te chuan DC Mini Conference Room, Siaha ah thutkhawmna an nei a, Pu Lalhmunsanga Hnamte District Bawrhsap leh Chairman, District Level Special Task Force for Awareness Campiagn on Solid Waste Management ni bawk chuan thutkhawm hi a kaihruai.

Pu Lalhmunsanga Hnamte chuan Siaha khawpui a lo fai zawk theih nan theihtawp chhuah a tul a ti a. Faina leh thianghlimna kawnga hmasawn turin mitin in mawhphurna an nei tiin midang kutah dah mai lova mahni theuhin hmasawn zawng a ke pen a ngai a ti. Bawlhhlawh paih kawngah fimkhur thar a tul tiin a paihna tur dik takah bawlhlawh paih thin tur leh mahni in leh lo te enkawl fai tha turin Siaha mipuite a ngen nghal a ni.

Vawiin thutkhawm ah hian Siaha District- in faina lama hmasawnna rahbi thar a neih theihna turin thil pawimawh tak tak sawiho a ni a. Thingpui dawr leh restaurant- te chu MADC lamin a khat tawkin lo endik thin se, a tul chuan license cancel thlengin hma lo la se an ti a. NREGS kaltlangin Gram Sabha- ah faina leh bawlhhlawh paih fimkhur turin mipuite hnenah a tam thei ang berin zirtirna neih thin ni se, RD Department lam ten chakzawkin hmala se tih a ni. Faina tak tak awm turin NGO leh Kohhrante an pawimawh hle a, Kohhran inkhawmnaah faina lama tan la tura inzirtirna tamzawk kalpui turin kohhran hrang hrang hnenah ngenna siam ni se, Village Council tin hnenah faina lama hmasawnna awm turin VC information atangin a tam thei ang bera mipuite hnena puangzar tura ngen ni se, NREGS hnuaiah faina lam hnathawhna tamzawk VC ten siam thin se tiin VC tinte hnenah ngen nise tih rel a ni bawk a. VC ten faina leh bawlhlawh paih kawngah ngaihtuahna thar an neih theih nan 'Exposure visit' siamsak ni se tih niin MTP leh MCHP-te pawhin inhrilhhriatna tam zawk lo kalpui se tih rel a ni bawk.

Faina lama inzirtirna in mipui tamzawk a thlen theihna turin Sticker siam nise, Commercial vehicle zawng zawngten an tar vek na turin District Transport Officer in hma lo la se tih a ni a. A bik takin Taxi, Auto rickshaw leh Maxi cab (sumo) -te chu passenger-te bawlhlawh paihna tur chhawp vek turin hmalak nise tih a ni.

Office tinin faina lam hawi signboard siam a, tar theuh turin hmalak ni se tih a ni a, School leh College- tinah faina lama tan la thar tura ngenna pek ni se tih rel a ni a. UD&PA hnuaia vantlang inthiarna te chu mimal emaw pawl emaw enkawl tir a, 'user charge' ang a kalpui tura hmalak nise tih a ni bawk. Siaha khawpuiah 'Public Park' a awm theih nan RGSA (Rashtriya Gram Swaraj Abhiyan) scheme hnuaiah 'public park' siamna tur dil nise tih a ni a. Vantlang mipuite hnenah uar taka faina lam hawi sawi a pawimawh hle tiin 'function' lian a thusawitute chuan faina lam a tam thei ang bera an sawi thin theih nan hmalak ni se tih a ni.

Sanitation Inspection Team din a tul hle tih niin, a rang lama din nise tih a ni a, he Sanitation Inspection Team- te hian a tam thei ang berin endikna nei thin se, faina lama thawk thate hnenah lawmman siamsak nise tih a ni bawk a. Education Officer, M/S, MADC chu District Level Special Task Force for Awareness Campaign on Solid Waste Management member ah ruatbelh nise tih a ni bawk.

Pu Lalhmunsanga Hnamte Chairman, District Level Special Task Force for Awareness Campaign on Solid Waste Management chuan kalkhawmte hnena lawmthu sawina neiin thutkhawm hi a khar a ni.