Kumin HSLC 2015-a Pakhatna Jennifer Vanrammawii, BHSS leh Pathumna C.Lalnunfeli, BHSS te chu HPC Vice-Chairman Pu S.Laldingliana leh HPC Member ten vawiin khan HPC Office-ah lawmpui nan thingpui an inpui a. Topper pahnihte hi HPC Vice Chairman chuan HPC hmingin lawmpuina tangkafai Rs.10,000/- ve ve a hlan.

HPC Vice-Chairman Pu S. Laldingliana chuan kum 28 hnuah Lunglei atangin HSLC Topper an awm ta chu lawmawm hle a, Lunglei an chawimawiin zirlai naupang dangte tan entawntlak an nihzia leh chona lian tak an siam a ni tiin an hun kal zel turah duhsakna sang ber a hlan a ni. Topper 2 te zirna sikul Baptist Higher Secondary School, Serkawn Principal leh zirtirtute thahnemngaihna fakin Pu S. Laldingliana chuan Digital Classroom an neih theih nan HPC-in Rs.7.5 lakhs a pek tur thu a puang nghal bawk a ni.