Vawiin khan Lunglei District Expert Committee on Establishment and Regulation of Sawmills chu Pu Lalthangliana Murray, IFS, Chief Conservator of Forest, Lunglei Circle rawn hmuitu ni bawk hova neih a ni a. He Committee hian Lunglei District chhunga Sawmill din dan tur rawtna leh kalpui dan tur an sawiho a ni.

IIDC Pukpui-ah Industrial Estate din nan ram awl a awm a, Tlabung-ah pawh Industrial Estate din nan ruahmanna siam nise tih an rawt a. Lunglei-ah Sawmill a awm thei phawt a nih chuan tuna thingzai khawl nei khar ta vek te pawh hawn leh theih a nih dawn bakah Dan ang thlapin kalpui a ni thei ang a. Teak chingtute tan pawh awlsam zawk leh man hla zawkin thingkung hralh theihna a inhawng bawk dawn a, Lunglei District atang pawhin thingzai atanga siamchhuah thil chi hrang hrangte thawnchhuah ve thei tawh dawn a ni.

Supreme Court thupek angin Mizoram-ah Sawmills 15 ruahman a ni a, chuta tang chuan Lunglei District tan Sawmill 2 ruat chhin phawt a ni. He Committe-ah hian Forest Department, Industry Department officialte leh Mizoram Industry Association, Lunglei aiawhte an tel a ni.