MHIP Sub-Hqrs. Lunglei buatsaihin vawiin khan Lunglei khawchhunga MHIP Branch member-te leh HS/HSS zirlaite tan Saikuti Hall-ah 'Legal Sensitization Programme' hman a ni a, he hunah hian HPC Vice-Chairman Pu S.Laldingliana chu Khuallian niin hawnna inkhawm a hmanpui a ni.

MHIP Sub-Hqrs. President Pi Zosangi kaihhruai inkhawmah hian Pu S.Laldingliana chuan thu sawiin ram hmasawnna hian thil tha lo duhawm lo pawh a rawn keng lut thei a, chuvangin mitin te tan Dan leh hrai chungchang hriatchian hi a pawimawh hle a ni, a ti. Hmeichhe chunga hleihlenna chungchang zirtirna inpek tam ngai khawpin Mizo Kristiante zingah pawh 'domestic violence' buapui thamin a awm tawh chu a pawi hle a ni, a ti bawk. India Danpui Article 44 chuan Dan hmaah mi zawng zawng an inangkhat leh an intluktlang vek a ni tih a inziak a, chuvangin hmeichhia an ni emaw piangsual an ni emaw Dan chuan a enhrang lo a ni tih kalkhawmte hre reng turin a chah. Danin khua leh tui zawng zawngte chanvo a humhalh sak rualin mipuite pawh hian ram leh hnam tan tihtur makawh 'duty' kan nei theuh a ni tih i hre nawn leh ang u, a ti. Zirlai kalkhawmte fuihin HPC Vice-Chairman chuan zirnaah bak an rilru dah lo turin a chah a, in hmalam nun atana in inbuatsaih nan lehkhathiam hi a pawimawh ber a ni, a ti bawk.

Vawiina 'Legal Sensitisation Programme' ah hian Dan lam mithiam 3 ten zirtirna an pe a, chungte chu :

1). Gracy L. Bawitlung, Sr. Civil Judge - Domestic Violence & Human Trafficking.

2). C.Laldingpuii, Protection Officer (IC) - Child Rights & Protection.

3). R.Vanlalvena, Chief Judicial Magistrate, Lunglei - Rape Chungchang an ni.

Attachment

  • Loading attachment...