2457/2026-2027 

Vawiin chawhma dar 10:30 khan Mizoram Upa Pawl (MUP), Kanan Branch, Aizawl chuan Khawvel Upate Ni Vawi 36-na chu Kohhran Hall, PCI Kanan, Aizawlah an hmang a. Pu V. Malsawmtluanga, MLA Lunglei North, HPC Vice Chairman chu khuallian a ni.

Khuallian Pu V. Malsawmtluanga chuan upate vanga thalaite hian tun hun thleng thei kan ni tih sawiin zahna chibai a buk a; ram changkang zawkten upate an zah zia leh, pi leh pu te malsawmna hlutzia a sawi a. Sawkar dinglai pawhin upa te an ngaihtuah zia leh tunah pawh kawng hrang hranga upa te chawikan nan nasa taka hma an lak mek thu a sawi a. Kalkawmte chu an tu leh fate kawng dik kawhhmuh a, thu ṭha zirtir zel turin a chah bawk a ni.

He hunah hian Rev. Lalchhanhima, Adviser, MUP Branch Kanan, Aizawl chuan tawngtai rualna hun a hruai a. Regional Resource Training Centre (RRTC for Senior Citizens, MFM) aiawh ten thusawina hun an hmang bawk a ni.

Programme hi Pu Laldula Sailo, President MUP Branch, Kanan, Aizawl-in a kaihruai a. Pu C. Lalsangvunga, Asst. Secretary, MUP Branch Kanan chuan hunserh a hmang. Pu Vunghnuna, Secretary, MUP Branch Kanan, Aizawl hnen atangin Branch Report leh President thuchah chhiar chhuahna ngaihthlak a ni bawk.