29/2023-2024

Ngopa, 5th April, 2023 : Vawiin khan Dr L.Thangmawia, MLA, HRD board vice chairman ni bawk chuan a MLA fund leh MGNREGS tangkawp hmanga Ngopa khua, Hmunnghak rama biomass briquettes siam chhuahna tura hmalak mek a hmunah a enfiah.

Dr. Thangmawia chuan hetiang thil chhinchhiah tlak, Mizoram tana thil tangkai tur leh a hlawhtlinna hmuh huna Mizoram hmundanga an la entawn ngei tur ni a lang, a bialchhunga hmalakna a awm chu lawmawm a tih thu sawiin, sum ngaihtuah saktu Mizoram sorkar, Rural Development department hotute chungah leh a bik takin, RD Minister Pu Lalruatkima chungah a lawmzia thu sawiin, he hmalaknaa tha thawh mek leh tha la thawh tur te pawh Mizoram tana ngaihtuahna seng a, he hmalakna hi a hlawhtlin chhoh zel nana tan la sauh sauh turin a fuih nghal bawk.

Mizorama a hmasaber tur atan Ngopa khuaah hian biomass briquettes siam chhuahna tur buatsaih mek a ni a. He hmalakna hi a taka kalpui a nih hunah chuan faina leh thianghlimna atan leh environment humhimna tur atan te a tha hle dawn a, meihawl atan leh thlasik meilum ai tur atan he biomass briquettes hi a tangkai hle dawn a ni.

Tunah hian hnathawh tur ang za zela 90% vel zawhfel tawh a ni a, April, 2023 thla tawp lamah chuan hawn (commission) theih tura beisei a ni. Helai hmun buatsaih nan hian Lengteng bialtu MLA in a fund atangin cheng nuai 2 a thawh a, MGNREGS atangin cheng nuai 28 hmuh a ni bawk a, Ngopa BDO kaihhruaina hnuaiah hna hi thawh a ni.engteng bialtu MLA hi Ngopa BDO Pu Vanlal?angpuia leh a thawhpui te bakah khawtlang hruaituten an tawiawm a ni.