Aizawl khawpui chhung Traffic harsatna tihziaawmna a nih beiseiin leh mipuite tana remchang zawk a nih beiseiin Superintendent of Police (Traffic) chuan Raj Bhavan South Gate junction leh Upper Republic inkar kawngpui, Upper Republic lam atang chauha kal theih (One way) ni thin chu, Pathianni (sunday) leh zan lam, tlai dar 7:00pm leh zing dar 7:00am inkarah chuan LMV chin tan Raj Bhavan Gate atanga Pu J. Lalthangliana In thleng a tawn tawna kal tira enchhin a ni dawn tih a hriattir a.

Enchhinna hi ni 1.4.2013 a tanga tan a ni anga, Thlakhat (April) chhung neih a ni ang. LMV tih hian TATA 407 Truck leh a tlukpui chin chunglam a huam lovang. Enchhin chhung hian a chhiat a that thua sawi duh emaw rawtna emaw neite chuan Superintendent of Police Traffic hnenah thglen theih a ni ang.