Superintendent of Police, Traffic, Aizawl-in Public Appeal No.TRF/RO/SP-Noti-7/08/819 dtd 1st July, 2016-a a lo chhuah tawh, Aizawl khawpui chhung kawngpui dunga Thirsakawr (cycle) hmanga tlan thinte leh khawpui hmangtu mihring leh lirthei te him zawk nana fimkhur tura Ngenna a lo chhuah chu Chanchinbu thenkhatah ‘Khapna Thupek’ ang zawnga lo chhuah palh a awm a. Hei hi khapna ni lovin mipui him tlan zawk nana ‘Ngenna’ chauh a ni a.

Superintendent of Police, Traffic, Aizawl chuan vawiin khanThirsakawr (cycle) hmanga tlan thin te tan heng a hnuaia thurawnte hi zawm hram hram turin Hriattirna leh Ngenna a chhuah nawn leh a ni :

1. Aizawl khawpui chhungah Cycle track hranpa a awm loh avangin fimkhur takin kawngsir him chinah tlan hram hram thin nise.

2. Lirthei tlan tam hunlai (Rush Hour) ah hian Thirsakawr (Cycle) hmangin kawngpui dungah tlan loh hram theih nise.

3. Motor tlandan pangngai zulzuia tlan thin nise, mahni duhdan zawng zawnga Wrong Side-a tlan loh tur a ni.

4. Thirsakawr (Cycle) hmanga tlan thinte hgian Safety Helmet khum hram thin nise.

5. Nu leh Pa ten heng thurawn hi zawm tur leh fimkhur turin kan fate zirtira fuih thin turin kan in ngen bawk a ni.