Vawiin chawhnu khan Lunglei YMA Conference Hall-ah Remna Ni 2016 Hmanna Review Meeting YMA Lunglei Sub-Hqrs President leh Organizing Committee Chairman ni bawk Pu R.Lalnunthara kaihhruaina in neih a ni.

Pu R.Lalnunthara chuan sawrkar, political party, tlawmngaipawl leh kohhran te inpekna azarah lungrual leh hlim tlang taka Remna Ni chu hman theih a nih avangin, Organizing Committee hmingin lawmthu a sawi a. YMA Lunglei Sub-Hqrs Secretary leh Organizing Committee Secretary Pu K. Lalfakzuala pawhin Remna Ni YMA thlazar hnuaia hmang tura sawrkarin ruahmanna a siam chu lawmawm a tih thu a sawi bawk.

Financial Secretary Pu Ngurthansanga’n sum hmuh dan leh hman dan report a pe a. Organizing Committee member-ten Remna Ni hman dan chu hlawtling ti tlangin, hman leh zelna turah YMA kaihhruaina in hman zel ni thei se an ti bawk.

Lunglei District Remna Ni lawmna Organizing Committee chu Remna Ni lawm hma hian vawi 3 meeting neih a ni a. Sub-Hqrs hnuaiah hian group 15 awm in, group 5-ah Remna Ni hi lawm a ni.