Vawiin khan Pu KS Thanga, Parliamentary Secretary Finance chuan a bialchhung Hualngo leh Samtlang inkar inkalpawhna kawng chu tlawhin, Hualngo atanga tanin Samtlang thleng kein a kalchhuak vek a ni. Parliamnentrary Secretary hi PWD(Road) South Division officials te bakah khawtlang VC leh NGO hruaituten an tawiawm a ni.

Samtlang khuaa inkhawm tawite neihah Pu KS Thanga chuan thusawiin he kawng pawimawh tak Lungleng-I, N.Lungleng, Samtlang, Hualngo, Melriat, Kelsih leh Falkawn khuate tana inkalpawhna pawimawh tak a ni dawn, a ti a. Hmun hnih khatah tlema beih harsat hmel deuh tih loh chu a ‘grade’ pawh a tha hlein a lang a, he kawng pawimawh tak hi hlawhtling taka siam zawh ngei a nih theih a beisei thu leh sorkarin theihtawpin hma a lak thinnaa mipuiten thlawp thiam a, tuna kawngpui siam mek pawh duat taka vantalngin an enkawl zui a pawimawh hle dawn a ni, a ti bawk.

Attachment

  • Loading attachment...