Vawiin chawhnu dar 2:00 khan Lunglei DC Pu Abhijit Vijay Chaudhari, IAS kaihhruaina in a Office Chamber-ah Lunglei District Swachh Bharat Mission (Gramin) hnuaia member-te an thukhawm a. Kum 2015-a mission kalpui dan thlirletna nei in, kumin 2016-a kalpui leh dan tur te an sawi ho.

Member-Secretary leh Lunglei Rural WATSAN Division EE ni bawk Pu J. Kapkima chuan kum 2012 khan Baseline Survey neih niin, in 9941-te chuan inthiarna mumal an neih loh thu a tarlang a. SBM (G) kalpui a nih atanga June 2016 thleng khan chhungkaw 1652-te tan Individual Household Latrine (IHHL) sak sak tawh an nih thu a tarlang. Baseline Survey-in toilet neilo a tih bakah in 5996-ah te toilet neilo tih hmuh chhuah belh niin, a vaiin toilet 14361 sak belh a la ngaih thu a sawi. Annual Implementation Plan 2016-17 hnuaiah hian IHHL 4557 bakah Sanitary Complex 10 leh Solid and Liquid Waste Management (SLWM) hmun 16-ah sa tura ruahmanna a awm thu a sawi.

Meeting-ah hian Annual Implementation Plan 2016-17 hi pawmpui a nih bakah khaw thenkhatte Open Defecation Free (ODF)-a puang tura department-te thawhho dan tur sawi ho a ni a. Department hrang hrang ten Swachh Bharat Mission (Gramin) an kalpuinaah hna duplicacy a awmloh nan convergence neih dan tur an sawi bawk a ni.