Traffic SP Pu C.Lalthanmawia, MPS chuan National Highway-54, Rangvamuala leimin/leitawlh chungchanga mipuite hriattur leh zawmtur pawimawh a hnuaia mi ang hian thuchhuah a siam :
"National Highway-54, Rangvamuala leimin/leitawlh thenfai hnathawh mek avanga tlailam dar 3:00 PM leh 6:00 PM inkar chhung lirthei eng chi mah tlan tlang phal loh a khar thin chungchang Aizawl DC hova ama office a June ni 23, 2016 a helam kaihhnawiha hnathawktu Department hrang hrangte leh lirthei neitu pawl hrang hrang hruaitute nen thlirhona leh sawihona uluk taka neih anih hnu ah Rangvamual leimin/leitawlh thenfai hna chak zawka kalpui anih theih nan June ni 27, 2016 (Thawhtanni) atang helai hmun kawngpui (NH-54) hi lirthei eng chi mah tlan tlang theihloh/phalloh turin a hnuaia tarlan ang hian ruahmanna thar mipui leh lirthei enkawltute zawm tur an siam :
(1) Zing dar 9:00 AM atanga Chawhnu dar 2:00 PM inkar khar thin a ni ang.
(2) Zan lamah dar 10:00 PM atanga a tuk Zing dar 5:00 inkar khar thin a ni ang.
(3) Motor Lian (HMV) te Aizawl khawpui chhung an luh theih hun pawh Zan dar 8:00 PM ni thin chu hemi hunbik chhung atan chuan Zan dar 7:00 PM ah sawn hma a ni ang.
(4) Hnathawh hun darkar bithliah chhungah hian Lungverh to Ramrikawn via Sakawrtuichhun kawng lamah LMV- te tlan tur a ni ang.
Lungverh to Ramrikawn via Sakawrtuichhun kawngah hian 407 (Truck) leh a chunglam lirthei lian te chhuk leh chho zawnga an tlan phal a nilo. Kolasib lam kal tur te pawh Sairang lam kherah kal tum lovin Durtlang to Kawnpui lamah kal rih turin ngen an ni.
He ruahmanna hi public interest (mipuite tana tha tur) atan liau liau a siam a ni a, he thupek/thuchhuah hi thu leh awm hma chu June ni 27, 2016 (Thawhtanni) atanga hman tur a ni ang.
Emergency thil pawimawh bik atan leh Sawrkar mipawimawh bik VVIP/VIP chet velna thilah chuan Traffic Police hotute leh helai hnathawk hotute inbe rawnin a tul dan angin ruahmanna an siam chawp thei ang.
