Senior Superindent of Police, Traffic Aizawl chuan Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek anga Public Notice a lo chhuah tawh vide No.R0/TRF/SP-Noti-7/08/1865 Dt. 1.4.2019 a tarlan Kulikawn atanga Tlangnuam pana tlan chhoh theih loh hun 8:00AM -9:00AM & 12:30PM - 1:30PM tih chu 7:30AM - 8:45AM & 1:00PM - 2:00PM ah thlak danglam a ni tih thupek vawiinah a chhuah a. Hemi hun chhung hian Naupang hruai tur leh Tlangnuam lam pan tur chuan Kulikawn atangin Pika Road-ah tlan thlain Hridaikawnah chhuak pheiin Tlangnuam atangin Kulikawn lamah an tlan thei ang. He thupek hi ni 15.5.2019 atangin thuleh awm hma chu hman tur a ni.

He thupek hian chhiatrupna thil kangmei leh Emergency kaihhnawiha duty te chet velna kawng erawh a huam lo ang. Tin, tul leh remchang zawk anih chuan a hmuna duty Traffic Police ten ruahmanna an siam thei ang.