Vawiin khan Kolasib DIPRO Conference Hall ah MP inthlan neih zawh taka Kolasib Districta vote tla te  chhiar tu tur Counting Officials te tan training buatsaih a ni.

Election officer Pu Vanlalchhuanawma chawngthu chuan Vote chhiar chu zing dar 8 a tan tur  anih thu tarlangin AC tin atangin EVM VVPAT panga theuh chhiar tel tur a nih thu a sawi bawk. Vote chu Government Kolasib College Multipurpose hall ah chhiar tur niin he hall ah counting centre 3 ruahman niin Counting Centre-I ah Tuirial AC a vote tla te chhiar an ni anga vote chhiar nan dawhkan 9 ruahman a ni, Counting centre-II ah kolasib AC tan dawhkan 10 leh Counting Centre-III ah Serlui tan dawhkan 11 ruahman ani bawk. Vote chhiarna Dawhkan pakhat zel hi official pathum Supervisor, Assistant leh Micro Observer ten an buaipui anga counting centre tin ah hian ARO pakhat theuh bakah amah puitu tur Officer leh Observer te an thu dawn bawk a ni.

Counting process, Forms leh a hman dan chungchang bakah EVM leh VVPAT hands on Training te chu EO Pu Vanlalchhuanawma Chawngthu bakah SDC pahnih Pi R Lalnunkimi leh Pu Samuel Zodinsanga ten zirtirna an pe a ni.