November ni 17 (Pathian Ni) 2019 atangin Project Pushpak (BRTF) chuan Kawnpui-Sihphir-Durtlang-Aizawl inkar kawng siamthat hna an thawk dawn a, kawng siam hna hi a bahlah lo nan leh tluang taka he hna hi thawh a ni thei nan, he kawnga lirthei tlan dan tur chungchanga Aizawl SP chuan ruahmanna  siamin thu pek a chhuah.

Hemi chungchanga nimina thupek chhuah tarlan danin November ni 17 leh November ni 30 inkar chhung Kawnpui-Sihphir-Durtlang-Aizawl inkar kawngah lirthei Sumo aia lian thlan phal a ni dawn lova, motor lian he kawng zawh thin te chu Sairang lam NH-54 lamah an tlan tur a ni a. Thupek hian chhiatrupna thil, kangmei leh emergency kaihhnawih a duty leh dan leh thupek pawimawh bik a Police leh Magistrate duty te chet velna a huam lo ang.