Vawiin khan Election Department, Government of Mizoram leh Mizoram Higher Secondary School Teacher Association tangkawp chuan Higher Secondary School zirlaite tana Quiz buatsaih chu Pu F.J.Liantluanga, Jt. CEO chuan Lal Thanhawla Auditorium-ah a hawng.
Pu F.J Liantluanga chuan School naupangte chu khua leh tui tha ni a, Electoral Roll-a an hming thun ngei turin leh Vote thlak hi an duty anih thu a hrilh a, an thiante leh thenawmte Electoral Roll-a la inthun lo emaw vote thlak tum lo emaw an awm anih chuan chung mite chu Democracy rama awm kan nih avanga vote thlak pawimawh zia lo zirtir turin a chah a ni.
He Quiz Competition a Elimination a tling school pakua (9) te chu ni 16th & 17th, December, 2015-ah an inel leh ang a, Live in Zonet in zan dar 8:00 atangin a pe chhuak ang.
