No.3077/2021-2022
Aizawl 22nd November, 2021: Vawiin Human Resource Development Board Vice Chairman Pu L.Thangmawia, MLA chuan Pu PC Thangzikpuia lehkhabu ziah ‘Mizo tawng thu khawchang’ tih chu a duh apiangte lei theih turin a tlangzarh. Lehkhabu tlangzarh inkhawm hi Pu L.Thangmawia chenna inah Mizo Grammar Society-in a buatsaih a ni.

Pu L.Thangmawia chuan tawng chungchangah mi nawlpuiin hriat dan leh vawn dan nghet kan lo neih tawhte hi thawk leh khata tih danglam duak duak a harsat thu sawiin, grammar hmanga a tehna dik inzirtirna erawh a kal reng a pawimawh thu sawiin, lehkhabu tangkai tak tur a buatsaih avangin ziaktu chungah lawm thu a sawi bawk.

Lehkhabu tlangzarh inkhawm hi Pu R.Lallawmzuala; President, Mizo Grammar Society-in a kaihruai a. Lehkhabu ziaktu Pu PC.Thangzikpuia chuan lehkhabu a buatsaih chhan te sawiin, Pu Vulmawia, Chief Engineer, Power & Electricity Department, Mizo Grammar Society Vice President ni bawk chuan lehkhabu thlir lawkna a nei.

Pu PC Thangzikpuia hian Mizo tawng chungchang bikah article 250 vel ziak tawhin, Mizo ?awng grammar bu chhuak tawh zinga bu chhah ber leh chipchiar ber a lo chhuah tawh a. Vaiina lehkhabu tlangzarh hi phek 212-a chhah niin, Rs.200/- man tur a ni.

Mizo Grammar Society leh Human Resource Development Board tangkawpin, ‘Hnam humhalh nan Mizo tawng’ tih thupuia neia Webinar buatsaih an tum chu, a hun atan December ni 17, Zirtawpni zan chu ruat fel nghal a ni.