Department of Economics, Mizoram University leh National Human Rights Commission (NHRC), New Delhi tangkawp buatsaihin Human Rights chungchang zirhona (Workshop) I&PR Auditorium-ah vawiin khan neih a ni.

Hawnna inkhawm ah Dr. S.K. Jain, National Human Rights Commission chu khuallian a ni. Dr.S.K Jain chuan thusawiin NHRC chuan India ram hmun hrang hrangah Human Rights chungchang zirhona chi hrang hrang leh training course an buatsaih thin thu te, Human Rights hriat chian a tul thu te, NHRC kalhmang leh hnathawh dan te a sawi. A ni bakah hian Paper dang pathum zirhona neih ani bawk. Chungte chu-Pi Lalnipuii, Chairperson, State Women Commission for Mizoram ziak Hmeichhiate dikna chanvo (Women Rigths) chungchang te, Pu K. Malsawma MUP President hnen atangin Tarte chanvo leh dikna chungchang te, leh Dr. Kalpana Sarathy, Department of Social Works (MZU) ziak Naupangte leh pianphunga rualbanlote chanvo chungchang te zirho a ni. He Workshop-ah hian Mizoram University leh College hrang hranga zirtirtute leh zirlaite an tel a ni.