Vawiin khan Pu Lal Thanzara, I & PR MINISTER chuan Indoor Stadium, Saron Veng-ah LPG Panchayat leh Pradhan Mantri Ujjawala Yojana (PMUY) Awareness Programme a hmanpui.

Minister Pu Lal Thanzara chuan awareness programme-a lokal zawng zawngte chu thil hrechiang chunga haw turin leh midang hrilh chhawng leh thei tur khawpa hun hmang turin leh an hriatloh te pawh zawt zel turin a ngen hmasa ber a. LPG hi thilsiam chhuah zingah chuan hlu ber leh tangkai ber ni hialin, a hmangtu te pawhin mawhphurhna nasa tak neiin, fimkhur a ngaih thu a sawi a. Thing leh mau te kan humhalh tawhna hunah hian LPG hian kan nula, tlangval leh nu te eirawngbawlna kawngah nitin nun a tinuam a ni, a ti a. Eirawngbawlna atana gas kan hman uar atangin meikhu hip vanga lo awm thin khuh leh awmna te, thawk lam harsatna nei te pawh an tlem phah a ni, a ti a. Minister chuan sawrkar laipui in scheme thar a duan, Pradhan Mantrii Ujjawala Yojana (PMUY) hi hmeichhia leh naupangte hriselna humhim nan leh, an hun tam zawk thil tha dang tih nana an hman theihna tura duan a ni, tiin a sawi a. A PMUY scheme hnuaiah hian BPL chhungkua a chhungkua nu ber hmingin LPG connection pek a ni mek a, kum 2020-ah chuan PMUY scheme hmang tangkaitute hi vaibelchhe 8 thleng tura beisei niin, he programme hman tan atanga kum khat leh a chanve chhungin ram pumah LPG connection vaibelchhe 3 chuang pek chhuah tawh a ni, a ti a. PMUY hi chhungkua tamtak tan malsawmna  a ni, tiin a sawi.

PMUY Scheme hi Ministry of Petroleum and National Gas hnuaia scheme pakhat a ni a. Pradhan Mantri hi Prime Minister tihna a ni a, Ujjawala hi engbik tihna a ni a, Yojana hi kalhona, zinhona tihna a ni. Prime Minister Hmalakna Eng tiin a sawi theih a ni. Hmeichhe chhawp dawlnan leh hriselna tha zawk BPL chhungkua ten an neih theih nana LPG connection hawnsak an ni.

He hunah hian IOCL (Indian Oil Corporation Limited) mi leh sa, khawtlang nu leh pa tha hnem tak an tel a ni.