2795/2022-2023
Aizawl the 24th November 2022 : Vawiin khan Joint YMA Hall, Vaivakawn-ah Aizawl West Joint YMA Karate Academy, All Mizoram Karate Association (AMKA) Main Dojo hawnna neih a ni a. He hunah hian I & PR Minister Pu Lalruatkima chu khuallian niin he Dojo hi a hawng nghal a ni.

Main Dojo hawnna inkhawm-ah hian Minister chuan Karate chu martial art peng pakhat niin, mahni invenna atan leh ram leh taksa hrisel nan a pawimawh hle a ni a ti a. Karate chuan rinawmna, taihmakna leh tumruhna te a hring chhuak a. Karate in a ken tel insumtheihna leh tuarchhelna te chu kan ram min tibuai mektu ruihtheihthil do-na kawngah a tangkai thei a ni a ti. Minister  Pu Lalruatkima chuan Karate chu in sual leh intihbuai nan hmang lovin taksa hriselnan te, insawizawi nan leh invennan a hmang turin  zirlai naupang te chu chahin Main Doja-a hman tur Mat pahnih lei a nih tur thu a sawi bawk.

AMKA Karate Academy Main Dojo hawnna inkhawm hi Pu Vanlalzuiliana, President Aizawl West Joint YMA in a kaihruai a.  Pu Lalropuia Pautu, General Secretary, AMKA, Gen. Hqrts. hnen atangin report ngaihthlak a ni bawk. Karate Academy a Zirlai naupang ten Karate demonstration hmuhnawm tak an  entir a. Pu C Dosavunga, President, AMKA Gen. Hqrts. in lawmthu sawiin huntawp  a  khar a ni.