Indian Council of Agricultural Research - Indian Institute of Oil Palm Research, Padavegi, Andhra Pradesh atanga scientist lo kalte chuan kar hmasa Ningani khan Lawngtlai District chhunga oil palm chingtute tan Field Day Cum Awareness Campaign an buatsaih.

ICAR-IIOPR atanga lo kalte hi Director Dr RK Mathur, Principal Scientist Dr MV Prasad, Scientist Dr P. Naveen Kumar leh Scientist Dr L. Saravanan te niin, Agriculture Directorate Oil Palm section-a SDAO Pu Ramnunsanga leh a thawhpuite’n an rawn tawiawm a. Field Day hi Ngengpui leh Khawmawi-ah neihpuiin, oil palm chin chungchanga hriat tur pawimawh tak tak an zirtir a; oil palm chingtute chu an huanah kal chilhin an harsatna hrang hrang leh a chin fel dan tur te an sawipui a ni. Field Day-ah hian District chhunga oil palm chingtu thahnem tak an tel.

Field Visit neih zawh hian District Agriculture Office Conference Hall-ah KVK scientist te, ATMA officer leh staff te leh DAO office-a officer leh staff te nen oil palm chin chungchang sawi hona hun hman leh a ni bawk.

Attachment

  • Loading attachment...