ICFAI University Mizoram chuan vawiin khan an University Campus, Durtlang North-ah an Convocation vawihnihna an hmang a. Mizoram Governor Pu Vakkom Purusothaman, he University-a Visitor ni bawk chuan he Convocation hi a hmanpui.

Khuallian Mizoram Larsap chuan hun reilote chhunga zirna In tha leh fak tlak ICFAI Mizoram zirlai leh thawktute bula hun a hmang thei chu lawmawm a tih zia a sawi hmasa a. Mihring nun hi englai pawha thil zir tur, thawkchhuak tur leh hmalam pana kalzel tur anih angin zirlaite chu an nun kalzel turah sumdawnna a ni emaw sorkar hna, zirtir hna, politics emaw thil siam lamah pawh nise an tum ber fo tur erawh chu chhungkua, khawtlang, ram leh hnam tana mi chhenfakawm nih tum a ni ang, a ti. State ralmuang leh zalen tak Mizoramah hian engkawng pawh zawh dawn ila remchanna tha tak a awm avangin Mizoram sum leh pai dinhmun ti phuisui tur pawhin heng remchanna te hi hman thiam a pawimawh a ni a ti bawk.

Mizoram inthlan tur sawilangin Larsap chuan thalaite chu an dikna leh chanvo hre tur leh ram kalsiamna kawnga an vote pawimawhna hriaa rilru leh tih takzeta an mi duh thlang turin a fuih nghal a ni.

He hun hi Vice Chancellor Pu J.P. Ramappa inkaihhruaiinUniversityhmasawn chhoh dan chanchin a sawi a. He Convocation-ah hian Icfai University Mizoram atanga kum 2013-a zirzo mi 82 te hnenah Degree (UG & PG) hlan a nih bakah kumina zirlai ti-tha bik te hnenah Medal hian a ni bawk.  Registrar, Pu Samuel Lalnunzira chuan lawmthu sawiin, convocation hun tawp a hmang a ni.

Mizoram Legislative Assembly-in ICFAI University Act hi kum 2006 khan a passed hnuah University hi din a ni a. ICFAI Society - sumdawng ni lo (not-for-profit) in a sponsor mek niin UGC Act 1956, section 22 hnuaiah degrees pek theihna a nei a ni.

ICFAI University Mizoram campus acres 17.58 a zau hi Durtlang North-ah a awm a. Campus Building hi 43000 sq ft chhungah classrooms, Computer lab, Language lab, Library lehkhabu 14,000 vel lai awmna leh zirna atan tul leh tangkai Auditorium, Recreation area nuam leh zau tha tak a awm a ni. Tun thleng hian he University tan hian ICFAI Society hian Rs. 32 vbc chuang a seng tawh a ni. ICFAI University Mizoram hian eizawnna atana tangkai tur course hrang hrang MBA, BBA, BCA leh BHTM te a kalpui mek a. Zir zawh veleha hna thawk thei nghalturinzirlaite hi tuaihriam an ni.

Vawiin Convocation-ah hian zirna lama mi pawimawh tak tak, Academicians, sorkar hotute an tel a ni.

Attachment

  • Loading attachment...