Vawiin khan Information Communication Technology (ICT) Minister Pu Lal Thanzara hovin a pisaah OPGW (Optical Ground Wire) dark fibre hralh dan chungchang ngaihtuahin ICT, Finance leh Power & Electricty Department hotute an thukhawm. OPGW hi Power &Electricity Departmen hmalakna in Aizawl-Serchhip-Lunglei ah thlun zawm a ni tawh a.

OPGW ah hian dark fiber pair 48 awmin P&E in an mamawh hi pair khat chauh a ni a. A la bang zawng pair 47 te hi internet, telephone leh cell phone kaltlanga inbiakpawhna tha zawk a awm theih nan telecom service providers hnenah hralh a ni dawn a. ZENICS hi corparation an nih angin sorkar laipui Department of Communication atangin hralh phalna infrastructure provider license an nei a, an ni kaltlang hian P&E chuan he dark fiber pair 47 te hi hralh chhuah a tum a. Sorkar tana sum tam tak haichhuah theihna a nih bakah hemi hmang hian mipui mimir tan internet leh cell phone kaltlanga inthlunzawmna chak leh tha zawk a awm thei dawn a ni.

Vawiin meeting-ah hian ZENICS chu dark fiber zuar chhuak tur hian ruat an ni a. A hralhna rate tur te leh a hlawkna insem dan tur chungchangah ZENICS leh P&E hian inremna an la siam dawn a ni. Mizoram District dang zawng thlunzawm a nih ve theih nan OPGW thlunna tur DoNER Ministry ah project thehluh mek a ni bawk.

Vawiin meeting-ah hian P&E Secretary Pu Lianchungnunga, ICT Secretary Pu Lalhmachhuana, Power &Electricity Engineer-in-chief L.Pachuau, Finance Department Jt.Secretary. P&E Chief Engineer leh Chief Informatics Officer, ICT te an tel a ni.