Vawiin khan Information Communication Technology Minister Pu Lal Thanzara chuan ICT Department-a thawk Chief Informatics Officer Dr. Lalthlamuana Khawlhring in Digital India Champion Award 2016 a dawng leh tunhnaia CIO leh Officer dang pakhat Pu Isaac Zothanpuia, Project Manager, Mizoram State e-Governance Society te hnenah National Recognized Trainer in e-Governance nihna hlan a ni te chu lawmpuiin, a office ah thingpui a inpui a. ICT Department leh MSeGS a thawk officer te inpekna chuan rah duhawm tak a chhuah mek a ni tiin Kumthar ah hian nasa leh zawka dinhmun sang zawka Mizoram hlangkai turin a chah.

December ni 15 khan 2016 khan Ministry of Electronics & IT, Government of India leh Skoch Group te chuan Constitution Club of India, New Delhi-ah Digital CIO Convention an nei a. He convention hi  Pu Ravi Shankar Prasad, Union Minister of Communication and IT hova neih a ni. Digital India Champion Award 2016 hi category hmun thumah thenin – Leadership, Champion leh Executive te an ni. India rama a vawikhat awmna a ni a, Digital India hnuaia sorkar hnathawk tha te mimal inchawimawina sang ber a ni. Digital India Champion Award 2016 hi  Dr. Lalthlamuana Khawlhring, CIO, ICT Department  hnenah hlan a ni.

January ni 18 2017 khan Ministry of Electronics & IT (MeitY)leh National Institute of Smart Governance (NISG) chuan Dr. Lalthlamuana Khawlhring, CIO, ICT Department hnenah leh Pu Isaac Zothanpuia, Project Manager, Mizoram State e-Governance Society hnenah National Recognized Trainer in e-Governance nihna an hlan bawk.

ICT Department  hian India rama e-Governance chawimawina sangbera ngaih ‘Skoch Smart Governance Award’ chu ni 8^th September 2016 khan project pathum – E-District, Content Management System (CMS) leh Inventory Management System (IMS) ah an lo dawng tawh a. 2014 khan “Emerging ICT State of the year” puan ani tawh bawk a. Kum 2016 chhunga State leh UT zawng zawngte Skoch Group in an zirchiannaah Mizoram hian IT hmasawnnaah 14-na a luahmek a ni.