2302/2022-2023

Aizawl 13.10.2022: Nimin khan Mizo Zirlai Pawl Pisaa ICT Department, NIELIT leh MZP ten tangruala an din MZP Computer Centre chu ICT Minister Pu Robert Romawia Royte-in a hawng.

He Centre-ah hian ICT Department-in Computer 10 an dah a, a thlawnin zirlai 50 ten Computer an zira, NIELIT-in zirtirtu an pe thung a ni. ICT Minister Pu Roberta chuan tunlai khawvelah engkim atan computer thiam a pawimawh a, MZP-in an zirlaipuite ngaipawimawha computer zirna an tuipui chu lawmawm a tih thu sawiin, zirlaite mamawhna avangin computer dang set 5 ICT Department-in an pek belh tur thu a sawi bawk.

MZP President pawhin an rawtna ngaipawimawha ICT Minister leh ICT Department-in computer centre an dinsak leh NIELIT-in recognition pea zirtirtu an pek avangin lawmthu a sawi a. Theih tawp chhuaha an enkawl tur thu a sawi.

He hunah hian ICT Deptt CIO Dr Lalthlamuana leh NIELIT aiawhte pawhin thu an sawi a ni.

He inkhawm hi MZP Vice  President  Andrew F.Lalramnghaka'n a kaihruai a ni.