Vawiin khan Mamit I&PR Conference Hall-ah Intensified Diarrhoe Control Fortnight (IDCF) hawnna programme Dr. Hmingthanmawii, CMO Mamit District in a hawng.

Dr. Hmingthanmawii chuan IDCF hian a tum ber chu naupang kum 5 hnuai lam kawthalo avanga thihna umbo a ni. IDCF chhung hian ASHA ten Naupang kum 5 hnuai lam awmna inchhungah ORS te semin kawthalo natna vei zawn chhuah hna an thawk dawn a ni. Health Worker leh ASHA ten an bial chhung school te tlawhin kut sil dan dik te tui chhuan so chauh in pawimawhna te, ei leh in tur tih thianghlim dan zirtirna an pe dawn bawk a ni.

July thla hi Anti-Dengue natna do thla anih angin a hawnna neih nghal niin he hun hi Dr.Hmingthanmawiin kaihruaiin, Dr.K.Vanlalhruaia hnen atangin Dengue natna chungchang a inven dan leh enkawl dan te Powerpoint Presentation neih a ni. Dengue natna hi 2015 khan Mizoramah mi 43 vei hmuh chhuah a ni a, Mamit District ah mi 3 vei hmuh chhuah a ni bawk. He mi Programme ah hian Thosilen(LLIN) sem chhuah leh a ni.