Tunhnai a Inspector General Assam Rifles (East) hmasaber atan ruat Maj. Gen. Satish Dua, Sena Medal chuan ni thum chung (18 - 20 July) Mizoram rawn tlawh turin vawiin khan Aizawl a lo thleng a. Mizorama a cham chung hian IGAR(East) hian Larsap Pu Vakkom Purushothaman leh Chief Minister Pu Lal Thanhawla te hmuh a tum a, Mizoram venhimna chungchang leh hemi kaihhnawih thil tul dang te sawipui a tum a ni.

IGAR(East) hian Silchar bul Srikona-a hmunpui an nei dawn a, Tripura, Mizoram leh Halflong a Assam Rifles Sector-te (Brigadier enkawl) chu a vil dawn a ni. Assam Rifles hnuaiah hian IGAR dang pahnih - IGAR(North) Kohima leh IGAR(South) Imphal te an awm bawk.

Maj. Gen. Satish Dua hi December 1979 khan sipai ah lutin nihna pawimawh tak tak te a lo chelh tawh a, Jammu & Kashmir ah Infantry Brigade a lo ho tawh bawk. Jammu & Kashmir ah firfiaka che te lakah amah leh a hote an chet that avangin amah ngei pawhin huaisenna lawmman - Sena Medal a lo dawng tawh bawk a ni.