DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/ignou-provice-chancellor-in-governor-dr-hari-babu-kambhampati-hmup

IGNOU Pro.Vice Chancellor in Governor Dr. Hari Babu Kambhampati hmu

1384/2023-2024

Aizawl, 4th August 2023: Dr. Kiran Hazarika, Pro Vice Chancellor, IGNOU chuan vawiin khan Raj Bhavan-ah Governor Dr. Hari Babu Kambhampati chu a hmu.

Dr Kiran Hazarika chuan Governor hnenah IGNOU building thar, Aizawl Regional Centre chu nimin khan hawn a nih thu te a hrilh hmasa a. IGNOU hnuaia hmalakna thar kalpui tum mek te, Mizorama zirlaite tana skill lam leh thil tangkai tak tak zirna buatsaih tur te a sawi.

Mizorama IGNOU study centre hrang hrangah Hindi tawng zirtirna kalpui tum a nih thu sawiin Governor thlawpna a ngen nghal bawk a ni.

Hindi zirtirna chungchangah hian Governor chuan IGNOU Pro Vice Chancellor hnenah Mizo thalaite’n Hindi tawng thiam a duh thu leh an dodal loh thu a hrilh a. Mizo thalai te chu mi themthiam tak tak leh thiam thil nei an nih avangin IGNOU kaltlanga Skill leh Hindi an thiamkawp chuan pawnlama hna zawn chungchangah pawh an hlawk pui ngeiin a rin thu a sawi bawk a ni.

Attachment