3798/2022-2023

Aizawl, 09.03.2023: Chief Minister Pu Zoramthanga chu vawiin khan Mizorama cham mek Indian Institute of Management (IIM) - Rohtak zirlai rual chuan CM conference hall ah hmu in an inkawm.

IIM-Rohtak atang hian zirlai leh anmahni hruaitu nen a vaiin mi 42 chuan Mizoram tlawh a, mipui khawsak zia leh ei leh bar dinhmun te, hnam ziarang te zirchiang turin an lo kal a. Chief Minister chuan Mizoram state history te, harsatna nasa tak paltlanga vawiin ni thlen chhoh a nih dan te, economy hmasawnna kawng zawh chhoh dan te a sawipui a. Zirlaite zawhna chhangin inkawmna hun tha tak an hmang a ni.

IIM-Rohtak Director Prof. Dheeraj P. Sharma chuan zirlai te hi rawn ho in, an campus a course hrang hrang awm te tarlangin, Mizo zirlai te zingah zirna sang zawk an institution a an beih a beiseipui thu Chief Minister hi a hrilh a ni.

India hmarchhak state leh state danga awm te kara inhriatchianna leh inpawhna thuk zawk siam a nihna tura zirlaite tana sawrkar laipui chuan Ek Bharat Shreshtha Bharat a duang a. He programme hnuaiah hian activity hrang hrang a awm a. Hemi hnuaiah hian Mizoram thalaite leh IIM-Rohtak thalaite hi intlawhtawn in, tunah hian IIM-Rohtak tlawha cham mek Mizoram college zirlai engemawzat an awm bawk a ni. March ni 6 khan zirlaite hi Mizoram lo thlengin, inrinni ni 11 hian let leh an tum a ni.

Attachment

  • Loading attachment...