Indian Institute of Mass Communication (IIMC) chuan PG diploma course a SC/ST seat ruak hnawhkhat turin offline admissions a hawng mek a. IIMC campus 6(paruk) a Post Graduate Diploma Courses in Journalism and Mass Communication zirtura SC/ST reserved seat 32 hnawh khahna atan he offline admission hi buatsaih a ni.

IIMC Delhi ah Hindi leh Urdu Journalism-ah seat (7) a awm a,  IIMC Dhenkanal-ah English leh Odia Journalism-ah (10), IIMC Amravati-ah English leh Marathi Journalism (seat 4), IIMC Kottayam-ah English leh Malayalam Journalism (6), IIMC Aizawl-ah (seat 2) leh IIMC Jammu-ah English Journalism course-ah (seat 3) a awm a ni.

Seat awm leh a thendan hrechiang duhtan www.iimc.gov.in ah enfiah theih a ni a.  General category, OBC leh EWS tana admission chu tih zawhfel a ni tawh. Diltu chu India khua leh tui a ni tur a ni a.  Subject hrang hrang atang a Bachelor's degree nei tan a dil theih a.  Course content, fee structure leh online application tihdan kimchang chu Institute website atangin a en theih.

Dil theite chu August ni 26 (Thawhtanni),  2019 zinglam dar 10-ah written test leh interview nei tura mahni campus thlanah kal tur a ni a.  Registration pawh a hmunah tih tur a ni.