Indian Institute of Mass Communication (IIMC) Director-General K.G Suresh chuan vawiin khan Department of Mass Communication, Mizoram University (MZU) – in Media, Technology and power of politics: The Indian conventicle tih thupui hmanga National Seminar an buatsaih a hawng a. MZU campus-a IIMC, Aizawl Centre permanent campus tur sak mek tlawhin zirlaite inkawmhona a neihpui bawk a ni.

KG Suresh chuan IIMC hian India rama hmasa ber turin National Centre of Excellence in Animation, Visual Effects, Gaming and Comics (AVGC) Mumbai-ah din tura hmalak a nih tur thu sawiin, hei hi ramin a tangkaipui hle an beisei thu a tarlang. Media leh politics inkungkaihna leh a thalo zawnga hman anih theih thusawiin, “Media industry-ah hian thil inlumlet a thleng nasa thin a, tunah pawh a thleng mek reng a. Sorkar lam atangin Media khuahkhirh tumna a awm ngailova, inkaihhruaina erawh siam a ni a, heng inkaihhruaina siamte hi kan zawm em tih erawh Journalist-te hian inzawtin mahni kan inkhuahkhirh thin tur a ni” a ti.

National Seminar hawnna inkhawmah hian Prof. K.V. Nagaraj, MZU in thuhmahruai sawiin hun a hmang a, Prof. R. Lalthantluanga, Vice Chancellor, MZU in Presidential Address a nei a ni. He Seminar hi nihnih awh tur a niin a chim tur hian India ram hmun hrang hrang atangin mi engemaw zat an lo tel a ni.

IIMC Director-General hi ni 3 chhung Aizawlah a cham dawn a. A cham chhung hian Chief Minister Pu Lal Thanhawla leh Mizoram sorkar mipawimawhte a hmu dawn a. PIB Media Conference Hall-ah Chanchinbu mite leh IIMC Alumni-te inkawm hona a neihpui dawn bawk a ni.