Krismas leh Kumthar vuakvetah mipui leh lirthei khalhtute kan him tlan zawk nan a hnuaia tarlan hrang hrang ah te hian Aizawl City Traffic Police-te chuan hma a la dawna, mipui leh lirthei khaltu ten heng te hi tha taka zawm turin Aizawl City Traffic Police te chuan a ngen tak meuh meuh a, dan bawhchhia man an awm anih chuan dan angin hremna an chungah lekkawh a ni ang.

1. Section 178 of MV Act in a phut angin passenger phur chi lirthei ah passenger ten ticket an nei ngei tur a ni a. Ticket nei lova chuang chu Rs. 500/- chawitir theih a ni. Chuvangin Counter nghaktu ten passenger-te ticket an pe chhuak ngei tur a ni a, passenger list copy hnih (2) a siam anga duplicate copy driver an ken tir bawk tur a ni.

2. Passenger phur lirthei ten a seat capacity aia tam an phur thei lova, lirthei hnung, hma, chung leh hnuai a lawr thui lutuk in bungrua an phur tur a ni lo. Passenger phur chi lirthei a bungrua phurh khap a nih ang bawk in Bungraw phur chi lirthei (Goods carrier) in passenger phurh khap a ni. Chuvangin, dan phal bakin passenger phur chi lirthei in bungrua an phur tur a nilo. Dan bawhchhia te chu Section 194 of MV Act hmangin Rs. 2000/- thleng chawi tir theih a ni.

3. Rui chunga lirthei khalh hi dan khap tlat a ni a, rui chunga lirthei khalh hi Section 185 of MV Act hmanga na taka hrem theih niin Driving License cancel sak thleng a hrem theih a ni. Chuvangin lirthei khaltu ten rui chungin lirthei an khalh tur a nilo. Rui chunga lirthei khalh kan hriat te chu Aizawl City Traffic Police Control Room Phone Number 0389-2322307 ah hiattir thin tur a ni. Tin, lirthei khalh chunga Mobile Phone hman te, Meizial zuk te hi dan in a khap a ni.

4. Lirthei khaltu chu englai pawhin zahawm takin a inthuam tur a ni a, passenger phur lirthei khalhtu te phei chu an inthuamna uluk zawka enfiah sak thin an ni ang.

5. Aizawl khawpui chhung kawngpui sira lirthei tlan leh mipui ke a kal te dipdal thei a lirthei chhia dah zawng zawng te chuan ni 12.12.2016 hma ngeiin an lirthei chhia te an senghawi vek tur a ni.

6. Aizawl Khawpui chhungah hian 30 Km/h aia chak in lirthei tlan phal a ni lova, hei aia chaka lirthei khalh te chu Section 183 of MV Act hmanga hrem theih niin Rs. 400/- atanga Rs. 1000/- thleng chawitir theih an ni.

7. Lirthei (a bikin Two Wheeler) a Proton vuah hi phal a ni lova, hetiang vuah lui midang tana bengchheng siam te chu Section 190(2) of MV Act hmangin Rs. 1000/- atanga Rs. 2000/- thleng chawi tir theih an ni.

8. Lirthei neitu/khalhtu reng reng in mahni lirthei ah an mahni biak pawh theih ngeina tur Phone Number an lirthei Windshield ah emaw Dashboard ahdah turin kan in ngen a. Hei hi emergency a lirthei neitu/khalhtu awlsam zawka biak pawh nana tih a ni a, hei hi lirthei neitu/khalhtu ten zawm hram turn nise.

9. Zebra Crossing hi mipui ke a kal te tana siam anih angin Traffic jam laiin lirthei khalhtu ten Zebra Crossing-hliah in an lirthei an ti ding thin tur a nilo. Tin, kawng kan duh Zebra Crossing a awm an awm in lirthei khalhtu ten mipui ke a kawng kan tuf te an ngaichang thin tur a ni.